Berhim Paşa

Berhim Paşa

berhim.pasa@kahtahaber.com





 di destekî min de misas 
di ê din de boça hêlet 
li pêşiya min du gayê zerî 
cotkar im ez

di destekî min de rayê telbîs 
di ê din de pîjê serhildan 
li pêşiya min ronahiya rojan 
tovê rizî me ez
di destekî min de kef û pêçik 
di ê din de qalûncek tûj 
li pêşiya min genimê sor 
palevan im ez
di destekî min de bilûr 
di ê din de berxikek kulek 
li pêşiya min keriyê pêz 
şivan im ez
di destekî min de zont 
di ê din de kulingê dudev 
li ser milên min ava bûn 
mizgefta 'Bursê' qesra 'Topkapi' 
û abîdegor* 
karker im ez
di destekî min de pênûs 
di ê din de wêneyê pepûkan 
di mêjiyê min de dilînê bindestan 
helbestvan im ez



Bu Yazıya Tepkiniz Nedir? Bu yazı 3 yıl önce yayınlandı. 3064 Defa okundu.