were yar were em veqetînin ji temenê xwe vê şevê
Berhim Paşa

Berhim Paşa

berhim.pasa@kahtahaber.com


were yar were em veqetînin

ji temenê xwe vê şevê

ne kerb ne xem ne kul

ne jî derd û qedayên welêt

bi tenê tu û dîsa dîsa tu

ku hewece bû carna jî ez

lê ji xeynê vê ne tu tişt

were yar were bavêje xemsariyê

biçirîne wêneyên xemgîniyê

şev dirêj an kin bila ya te be

lembo zelûl an gurr bi daxwaza te be

tu destên xwe yên fodil li hev xe

ezbenî ez li benda fermana te me

kevirê

Tumikê Çiyayê Bêlê yek û yek bidim berhev

tûna xalîçeyên Sîna li ber nigên te raxînim

textê Pudehepa’yê nû de amade kim te li ser daynim

bi gulavê bişom bîhnê bireşînim hawêrdorê

serxweş bibe û jixwe here bi evînê

Ez gorî min bike meze ji xwe re vê şevê

ne ji temenê çûyî ne jî yên ku têt

şev ev şev e dem ev dem e

li min bimeyze dixwezî bi nêrînek berketî

destên ku dirêj te dibe tu venegerîne

berxwe nekeve temen çil be jî ne derng e

şeh ke porê herîrî berde biskên kever

bibehecîne Leylê,Şêrînê û Zînê

işev ez

memtir,Ferhattir û Mecnûntir im

ger daxwaza te be ez ji Eyub Eyubtir im

Bu Yazıya Tepkiniz Nedir? Bu yazı 5 ay önce yayınlandı. 933 Defa okundu.